Cleodine Leukes

Ek is gebore en het grootgeword op Malmesbury. In 2000 het ek my Hoërskool loopbaan voltooi en het in 2005 lidmaat van VGK Malmesbury geword omdat dit hier is waar ek die liefde, omgee en goedheid van die Here kom ontdek het.

As tiener wou ek graag ‘n Regter word omdat ek geglo het dat ek andere kan bystaan en ‘n verandering in mense se lewe kan bring, maar weens omstandighede was dit nie vir my beskore nie.

Voordat ek Skriba/Kassier van die gemeente geword het, was ek vir veertien jaar werksaam in Kaapstad as Senior Maatskaplike Ontwikkelaar waar ek die oë, mond en ore van die gemeenskap was. In 2012 het ek met ‘n wonderlike man, Derick Leukes, in die huwelik getree. Op 1 Januarie 2019 is ek aangestel as die Skriba/Kassier van VGK Malmesbury en gou het ek ‘n passie en liefde ontwikkel vir die werk. Ek is dankbaar om hierdie werk voltyds te kan doen.